2023.
Xa está aberto o prazo para anotarse á escapada termal que organiza a Concellería de Servizos Sociais e Igualdade de Poio ao Balneario de Monçao, do 16 ao 20 de outubro. As persoas interesadas xa se poden inscribir no Palacete de Besada. O programa inclúe aloxamento, almorzo buffet, pensión completa, acceso diario ao club termal e desprazamento. O prezo por persoa é 220 euros, con prioridade para as persoas maiores veciñas do concello.
COIDADOS PORTA A PORTA NA SECA
Ademais, as persoas maiores de 55 anos tamén poden solicitar xa cita para as consultas gratuítas de audioloxía, podoloxía e estimulación da memoria que presta a Xunta de Galicia a través do programa Porta a Porta, e cuxa unidade móbil instalarase na Seca os días 11, 13, 16 e 17 de outubro.
As citas poden reservarse nos teléfonos 622 748 283 ou 623 546 992 ou no enderezo electrónico coidadosportaaporta.politicasocial@xunta.gal. O obxectivo deste programa é achegar ás persoas maiores servizos asistenciais para a prevención da dependencia, e garantir que poidan permanecer coidados na súa contorna.
