2023.
O grupo Moura Teatro e a batucada Os Queimatasas repiten campaña solidaria tras o éxito acadado o ano pasado. Así, varios establecementos do municipio contarán, entre este luns e o 15 de decembro, coas “Caixas da ilusión”, nas que os veciños poderán depositar alimentos non perecedoiros que, posteriormente, entregaranse no departamento dos Servizos Sociais do Concello de Poio.
Precisamente, a concelleira de Benestar e Igualdade, Natividad Torres, que participou na presentación da campaña, agradeceu a implicación dos colectivos e a solidaridade dos veciños de Poio. “O noso é un concello solidario, ao que lle gusta axudar e co que se pode contar sempre”, destacou.
Con esta acción, segundo explicaron desde a organización, pretenden facilitar que todas as persoas que queiran, podan colaborar coa recollida de alimentos nunha época especialmente sensible. Así, poderán facelo sempre nalgún establecemento próximo aos seus fogares ou traballo, xa que as caixas estarán durante as próximas semanas en varios puntos de todas as parroquias. Ademais, a través das redes sociais co perfil “Poio Colabora” así como dos colectivos organizadores, Os Queimatasas e Moura Teatro, ofrecerase información detallada dos establecementos colaborados para facilitar as aportacións.
Ademais desta campaña, estas agrupacións organizaron este ano a Gala Poio Colabora, que pretenden instaurar no mes de maio e realizala anualmente, xa que consideran wue ad necesidades están aí todo o ano e a acollida da edición pasada foi todo un éxito.
