O Concello de Poio fai un chamamento á responsabilidade da veciñanza para cumprir coa obriga de manter limpas as fincas e parcelas, coincidindo coa proximidade da tempada estival, período no que se incrementa notablemente o risco de incendios forestais.
A través de carteis informativos nos taboleiros e anuncios nas redes sociais municipais, lembra que a acumulación de maleza e restos vexetais supón un importante perigo para a seguridade das persoas, das vivendas e do conxunto do territorio, especialmente nun municipio con ampla superficie forestal.
LIMPEZA DE FINCAS E PARCELAS
Debido á inminente tempada estival e como medida de prevención contra os incendios que teñen asolagado a nosa comunidade, e dado que o noso termo municipal abrangue unha ampla superficie forestal, o Concello de Poio PON EN COÑECEMENTO DE TÓDOLOS CIDADÁNS unha serie de medidas a adoptar, de obrigado cumprimento segundo tanto da Lei 3/2007, de 9 de abril de prevención e defensa contras os incendios forestais de Galicia, en terreos rústicos, como da Ley 2/2016, do 10 de febrero, del Suelo de Galicia, en terreos urbanos,e sen prexuízo das correspondentes SANCIÓNS en caso de incumprimento:
- FINCAS: LIMPEZA DE MALEZA E VEXETACIÓN EN LEIRAS PARTICULARES, os donos dos terreos deberán, polo perigo do lume e por salubridade, telos limpos e en ningún caso a maleza invadirá a vía pública. É así que os propietarios dos terreos están obrigados a manter as súas parcelas, así como os camiños de titularidade privada e as gabias, limpas de maleza e restos e coa masa arbórea rareada, así como mantelos limpos, libres de desfeitos e residuos e nas debidas condicións de hixiene, salubridade, seguridade e ornato público.
- Está PROHIBIDO botar mistos, cigarros, lixo, residuos industriais ou de calquera clase que supoña un perigo de incendio forestal.
- GABIAS E CAMIÑOS, os donos dos terreos que dean ás vías públicas deberán de manter limpas as gabias e non verter cascallos, así como evita-las malezas e matagueiras
- DISTANCIAS MÍNIMAS A VIVENDAS E Ó LIMITE DO SOLO URBANO OU DE NÚCLEO RURAL. As masas forestais deberan gardar unha distancia de seguridade, ben ata límite do solo urbano, ou ben ata vivendas illadas en solo rústico, de 50 m para o caso de especies como as acacias, piñeiros ou eucaliptos. Para outras especies de frondosas, as masas deberán estar clareadas e limpas de maleza co fin de que o lume non teña continuidade cara as vivendas ou núcleos de poboación. O mesmo é aplicable dentro do solo urbano ou de núcleo rural, onde está PROHIBIDO a existencia destas especies forestais. Estas franxas deberán tamén estar libre de maleza. A data límite para proceder á limpeza destes terreos é ata o 31 de maio.
- ESTRADAS E VÍAS, manterase limpo de mato e libre de eucaliptos, piñeiros e acacias polo menos 10 metros dende a aresta exterior das estradas (6 metros para especies frondosas caducifolias). En vías forestais a distancia será de 4 m para eucaliptos, piñeiros e acacias e 2 para as frondosas.
- LIÑAS ELÉCTRICAS, 5 metros limpos de mato e especias arbóreas. dende a instalación
- LIMPEZA DE PRAIAS E MARXES DA RÍA, quedan totalmente prohibidos os vertidos de cascallos nestes lugares. Os donos dos terreos limítrofes deberán mantelos limpos de malezas e cascallos.
| DÉBESE MANTER LIBRE DE MALEZA E ACACIAS, EUCALIPTOS E PIÑEIROS: |
| O solo urbano, urbanizable ou de núcleo rural |
| 50 m dende o límite do solo urbano, urbanizable ou de núcleo rural |
| 50 m dende as fachadas das vivendas illadas |
| 10 m a cada lado das estradas |
| 4 m a cada lado das pistas forestais |
| 5 m a cada lado das liñas eléctricas |
