As novidades incluídas este ano, cun traxecto máis curto e cómodo, e o horario de mañá, serviron de atractivo para aumentar o número de inscritos.

Poio celebrou esta mañá o gran Desfile de Entroido, que resultou ser un éxito de participación con comparsas e grupos achegados de toda a provincia, desde Gondomar, Meis, Xeve, Soutomaior, Sanxenxo…, así como de grupos adultos e infantís e numerosos participantes nas categorías individual e parellas.

O novo percorrido, máis curto que anos anteriores, e o novo horario matinal, que evitou que Poio competise coas citas doutros concellos da contorna, foron os principais atractivos que facilitaron que o número de agrupacións e de persoas participantes fora o máis importante dos últimos anos. O desfile contou con catro comparsas locais _Os Canecos, As Sonecas, 100Toilos e Grupo de Entroido de Samieira_, con cinco comparsas convidadas _Os Retrincos, Os miúdos, Politicamente Incorrectos, Cor Café e Os da Caña_. Todas elas agradeceron que este ano se apostase por un traxecto máis curto, entre a Biblioteca Municipal e a Praza da Granxa, facéndoo máis cómodo para cargar coas espaldeiras e instrumentos e tamén para amosar as súas animacións e bailes.

A pesar da chuvia, que apareceu por momentos durante o traxecto, o fin de festa reuniu a todos os participantes na Praza da Granxa, cunha sesión vermute e a animación musical D Due. Alí tamén se fixo entrega dos premios, que repartiron 4.450 euros.

PREMIOS CONCURSO DE DISFRACES DESFILE DE ENTROIDO