O novo Goberno de Poio dá os primeiros pasos para converter a antiga gardería de Campelo nun Centro de Día. O alcalde Ángel Moldes recorda que é un compromiso adquirido cos veciños, e por iso urxe comprar o local e a finca para evitar que o edificio siga deteriorándose e perder a oportunidade que supón utilizar unha instalación xa existente e tan ben ubicada para prestar este servizo necesario e demandado polos maiores de Poio e polos seus familiares. Este Centro de Día na antiga gardería de Campelo permitirá que ninguén teña que abandonar o seu fogar nin distanciarse dos seus seres queridos porque van recibir a atención ao carón das súas casas.
A Festa da Ameixa de Campelo inaugurouse esta tarde cunha homenaxe á xente do mar, na que se fixo entrega da Ameixa de Prata do Concello de Poio ás mariscadoras que se xubilaron no último ano e se recoñeceu a labor de Rosa Quintana durante os últimos anos en prol do sector. Un acto que contou coa asistencia do alcalde, Ángel Moldes, do conselleiro do Mar, Alfonso Villares, e dos deputados provinciais, María Ramallo e Marcos Guisasola, así como doutros membros da corporación municipal, representantes das confrarías e das agrupacións de marisqueo, de asociacións culturais, veciñais e deportivas de Campelo e das empresas do sector.
A Biblioteca Municipal de Poio retoma a súa actividade coincidindo co inicio do curso escolar. Esta mañá achegáronse ata a instalación o alcalde Ángel Moldes e a concelleira de Cultura e Educación, Natalia Sabarís, para escoitar as propostas da responsable da biblioteca de cara aos próximos meses e valorar novas iniciativas coas que impulsar este servizo para nenos e maiores.
O alcalde de Poio, Ángel Moldes, confirma o compromiso do novo Goberno local para que a Illa de Tambo se consolide como “un referente cultural e natural único no mundo, que o será tamén do turismo sustentable”.Faino tras coñecer os datos das visitas realizadas á illa durante este verán, o primeiro completo desde a cesión de Tambo ao Concello de Poio por parte do Ministerio de Defensa e o comezo das visitas guiadas regulares. Unhas cifras que confirman que 4.000 persoas visitaron a illa entre o 1 de xuño e o 10 de setembro.
Xa está aberto o prazo para anotarse á escapada termal que organiza a Concellería de Servizos Sociais e Igualdade de Poio ao Balneario de Monçao, do 16 ao 20 de outubro. As persoas interesadas xa se poden inscribir no Palacete de Besada. O programa inclúe aloxamento, almorzo buffet, pensión completa, acceso diario ao club termal e desprazamento. O prezo por persoa é 220 euros, con prioridade para as persoas maiores veciñas do concello.
Poio está en continua transformación e crecemento. O noso municipio medra e o Concello de Poio, que sempre apostou e segue apostando pola posta en valor da nosa historia e das nosas tradicións, modernízase para adaptarse ós novos tempos e optimizar os nosos recursos. Poio é xa un lugar de referencia consolidado na xeografía mundial, e agora, grazas ás novas tecnoloxías, temos tamén o noso sitio neste espazo virtual, universal e participativo que é a Rede. Estamos agora máis cerca de todos, dos que vivimos aquí e dos que se atopan lonxe.