fbpx

 1.- OBXECTO

O Concello de Poio establece esta convocatoria de concurso co fin de preservar o patrimonio cultural e fomentar o interese polas actividades culturais e festivas tradicionais do noso municipio.

As presentes bases teñen por obxecto regular o procedemento da concesión de premios do concurso dos Maios para o ano 2022, que se celebrará o día 1 de maio, ás 11 horas, no Recinto da Seca (Poio).

2.- CRÉDITO ORZAMENTARIO

Para a concesión dos premios obxecto desta convocatoria, destinaranse un crédito de 5.400 €, correspondente á aplicación orzamentaria Nº 334 4801 do orzamento de gastos para o exercicio 2022.

O concelleiro de Obras e Servizos Municipais, Julio Casás (PSdeG-PSOE), pasou revista ao tramo da PO-308 situado na avenida da Porteliña, na parroquia de San Salvador, no que o Concello de Poio ten previsto iniciar esta semana uns traballos de renovación e mellora da rede de saneamento. Casás, que estivo acompañado polo titular de Urbanismo, o tamén socialista Gregorio Agís, explicou que os operarios de Viaqua procederán á substitución de parte da tubaxe situada no marxe dereito, en dirección a San Xoán, da PO-308. “As revisións realizadas con cámaras por parte dos técnicos constatan que a canalización atópase moi deteriorada neste tramo”, apunta o responsable deste departamento, que adianta que a actuación servirá para substituír a tubaxe de formigón por unha de PVC.



Logo de dous anos condicionados pola pandemia provocada pola COVID-19, “estamos en disposición de recuperar a programación habitual das Festas de San Xoán”. Así o afirma o concelleiro responsable da área de Festexos, o nacionalista Xosé Luís Martínez, que avanza que esta festa, unha das máis importantes e con maior tradición do municipio, volverá contar con algunhas das citas máis importantes da programación habitual.

A Comisión de Facenda abordará este mércores a proposta para a modificación da ordenanza fiscal reguladora do servizo de cemiterio, que será levada ao Pleno ordinario deste mes de abril, fixado para o martes 26 (19.30 horas). O concelleiro responsable deste departamento, o nacionalista Xulio Barreiro, lembra que este é un paso máis para avanzar na tramitación que se debe completar para facer realidade a ampliación do camposanto municipal, situado na parroquia de San Xoán. Para facer realidade este proxecto o Concello de Poio ten previsto un investimento de 450.000 euros, que corresponden ao Remanente de Tesourería resultante da liquidación do Orzamento de 2021.

O alcalde de Poio, Luciano Sobral, anuncia que a senda litoral que vai desde A Seca (San Xoán) ata Lourido (San Salvador), vén de obter o galardón de Sendeiro Azul 2022, un distintivo que Poio acada por primeira vez para un destes espazos. Trátase dun selo de calidade que, ao igual que sucede coas bandeiras azuis das praias, é outorgado por parte da Asociación de Educación Ambiental y del Consumidor (ADEAC), a través do cal recoñécese os recursos ambientais, naturais e de lecer deste tipo de paseos.