fbpx



Isabel Risco converterase este venres 19 de novembro na gran protagonista da terceira xornada do ciclo ‘Risadas Contadas’, unha das actividades estrela da programación de Anota Cultura. O Centro Cultural Xaime Illa de Raxó acollerá, a partir das 21.00 horas, o espectáculo ‘Bravas’, gañador do III Premio Luísa Villalta da Deputación da Coruña e a través do cal a humorista ofrecerá a súa particular visión sobre as mulleres galegas.

O Consello Municipal de Cultura, presidido pola edil responsable da área, Raquel Rodríguez (BNG), e formado por integrantes da Corporación e de diferentes colectivos locais, reuniuse este pasado martes 16 de novembro para analizar todos os deseños presentados pola mocidade de Poio nunha nova edición do Concurso de Tarxetas de Nadal. Este ano a participación aumentou con respecto a 2020. Se daquela se fixeron entrega de 364, neste caso as propostas ascenderon a 426. Rodríguez Alonso agradeceu a implicación dos e das participantes, lembrando que o certame está dirixido a persoas menores de 18 anos.

A empresa Técnicas Aplicadas al Medio Rural Sociedad Limitada será a encargada de redactar o proxecto técnico correspondente á rehabilitación integral da rúa Ramón Encinas, situada nas inmediacións do peirao de Raxó. O concelleiro de Urbanismo e Promoción Económica, o socialista Gregorio Agís, lembra que esta ambiciosa actuación suporá “un antes e un despois” no que a seguridade peonil, dotación de servizos e redución da pegada de carbono se refire.

A concelleira de Igualdade, Silvia Díaz (Avante Poio), presentou na mañá deste venres a programación a desenvolver para conmemorar o Día Internacional da Eliminación da Violencia contra a Muller, que terá lugar o 25 de novembro. Obradoiros destinados á mocidade, iniciativas de carácter creativo e artístico e a recuperación da tradicional Andaina Paso a Paso Libre de Violencia de Xénero son algunhas das actividades que se desenvolverán no tramo final do mes. VER PROGRAMA