A Praza da Reiboa, na Seca, tinguiuse esta tarde de moita cor na Festa Holi organizada polo Concello de Poio para celebrar a volta ao cole. Desde as 18.00 horas, a rapazada gozou de todas as actividades que tiñan preparadas, porque ademais dos pos de cores, tamén se incluían a música e a animación do DJ Javi Solla, obradoiros de globoflexia, chapas e outras manualidades organizados pola Casa Rosada, así como inchables e máis sorpresas. Unha festa que é posible gracias á colaboración do Centro Comercial A Barca, e na que están involucradas practicamente todas as concellerías para optimizar os recursos municipais e facer que o inicio do curso sexa o máis especial e alegre posible.
O Concello de Poio ampliará o horario do ximnasio municipal da Seca, para que os veciños tamén poidan utilizalo en horario de mañá. Así, o edil de Deportes, Tucho Muíños explica que xa se iniciaron as xestións e os trámites necesarios para contratar un novo monitor deportivo e ampliar o horario da instalación a partir de novembro.
O compositor e cantante Álvaro de Luna ofrecerá un concerto aberto e gratuíto en Raxó o próximo xoves, 3 de agosto (23.00 horas) dentro do Festival Chalana, organizado polo Concello de Poio. Este festival celébrase os días 2 e 3, polo que un día antes da actuación do artista andaluz subirase ao escenario en Samieira, en Río de Bois, a orquestra Panorama, tamén ás 23.00 horas e con entrada gratuíta.
O alcalde de Poio, Ángel Moldes, a concelleira de Cultura e Educación, Natalia Sabarís, e a técnico municipal de ensino percorreron esta mañá os centros escolares do municipio para supervisar todos os traballos de mantemento que realizou o Concello de Poio en colaboración con todos os centros de educación infantil e primaria do municipio e comprobar que está todo a punto ante o inicio das clases estes luns. Moldes destacou que “o Concello de Poio fixo un importante esforzo durante estes dous meses para actuar e dar resposta ás peticións que nos trasladou cada centro escolar”, e apostou por “seguir traballando e colaborando de xeito conxunto tamén durante o curso”.
Boa acollida no inicio do festival infantil Chalaniña que comezou este mércores en Lourido, organizado polo Concello de Poio e no que os asistentes puideron gozar nesta primeira sesión da actuación do Mago Noel. O festival, gratuíto e destinado ao público familiar, continúa esta tarde, ás 19.30 horas, no pinar da praia co concerto de Pakolas, autor e compositor, que formou parte de grupos infantís como Mamá Cabra ou Gramola Gominola e que agora presenta un traballo en solitario con música pensada tamén nos máis cativos.
Poio está en continua transformación e crecemento. O noso municipio medra e o Concello de Poio, que sempre apostou e segue apostando pola posta en valor da nosa historia e das nosas tradicións, modernízase para adaptarse ós novos tempos e optimizar os nosos recursos. Poio é xa un lugar de referencia consolidado na xeografía mundial, e agora, grazas ás novas tecnoloxías, temos tamén o noso sitio neste espazo virtual, universal e participativo que é a Rede. Estamos agora máis cerca de todos, dos que vivimos aquí e dos que se atopan lonxe.