fbpx

A empresa Iberdrola foi a que presentou a mellor oferta e será a encargada de achegar a enerxía necesaria ás instalacións municipais, así como ao alumeado público.

A adxudicación ascende aos 500.000 euros e terá unha duración dun ano, con posibilidade de ser prorrogado durante outros 12 meses a maiores.


Este domingo 23 de febreiro, a estrada PO-308 quedará pechada ó tráfico a partir das 16.00 horas mediante o operativo especial que desenvolverá a Policía Local de Poio pola celebración do Desfile de Entroido.

VER MAPA INTERACTIVO

Poio, 18 de febreiro de 2020.- O grupo de teatro Lúa Chea ‘xogará na casa’ o vindeiro venres, 21 de febreiro. Será entón cando esta compañía represente a preza ‘A familia é o que importa’, estreada no ano 2019 e que, desde entón, xa foi ofrecida ao público en diferentes parroquias de concellos como Pontevedra, Meis ou Vigo, así como en Poio, na Residencia Ballesol. A cita será na Casa Rosada, a partires das 20.00 horas, con entrada gratuíta.

A cita dará comezo ás 18.00 horas, nunha carpa na que se ofrecerán degustacións gratuítas, obradoiros para nenos e moitas outras sorpresas

O domingo terá lugar o Desfile, no que se desvelará o deseño do Galo Fodorico Agusto Bastante, no que xa está confirmada a participación de varios grupos, así como de parellas e disfraces individuais, tanto en categoría de adultos como infantil.

Durante o domingo, día da proba, non se poderá circular entre as 8.30 e as 14.30 horas polo Peirao de Campelo, a Avenida da Praia, Peirao Besada e parte de Anafáns, se ven se permitirán saídas puntuais dos veciños “na medida do posible”.

As restricións de aparcamento no aparcamento de Lourido comezarán o sábado anterior, ás 15.00 horas. A Policía Local procede á instalación de sinalizacións informativas e dá conta do dispositivo a comerciantes e residentes.

Poio, 19 de febreiro de 2020.- O Concello de Poio púxose recentemente en contacto coa empresa responsable dos traballos realizados na Avenida Doutor Martínez, na parroquia de San Xoán, para solicitarlle a reparación das deficiencias detectadas no firme, a raíz dunha actuación que consistiu, entre outras tarefas, na dotación de servizos e instalación de novas redes de pluviais e fecais. En principio, a idea é que estes novos traballos se leven a cabo unha vez rematado o inverno, para que as condicións meteorolóxicas non afecten.

As visitas paralízanse durante dúas semanas por mor da celebración do Entroido e se retomarán o vindeiro 7 de marzo.

Nas inscricións para tomar parte nesta iniciativa, impulsada pola Concellería de Cultura e Educación, dase preferencia a veciños e veciñas de Poio.

A presidenta da institución provincial mantivo unha reunión de traballo co grupo de Goberno, encabezado por Luciano Sobral, na que se falou da situación a que se atopa un proxecto que xa ten completas dúas das tres fases previstas.

Sobral e Silva coinciden en salientar a importancia de dar resposta a unha “petición histórica” da veciñanza.

Nos últimos meses, desde o inicio do mandato, impulsouse a creación dunha mesa de traballo na que se analiza o labor desenvolvido pola empresa concesionaria, á que se lle realizou unha dedución de máis de 13.000 euros por non completar ao 100% tarefas vencelladas á recollida de envases entre os meses de marzo e maio do ano pasado.