A Escola de Música de Poio (ESMU) desenvolverá un campamento de verán, dirixido a mozos e mozas de idades comprendidas entre os 8 e os 17 anos, a longo do vindeiro mes de xullo. En concreto, a iniciativa terá lugar entre os días 3 e 31 do devandito mes. Durante esas xornadas, a mocidade que se inscriba terá a oportunidade de tomar parte non só en actividades de práctica musical, senón tamén noutras de lecer, lúdicas e deportivas.
O Concello de Poio informa de que o vindeiro xoves, día 8 de xuño, abrirase o prazo para a comunicación das grelladas para locais de hostalería, así como para cacharelas en espazos privados ou públicos na noite de San Xoán, do 23 ao 24 deste mes. O período permanecerá aberto ata o mércores 21 inclusive. No caso das solicitudes para a festividade de San Pedro, deberán presentarse entre os días 22 e 26 de xuño, ambos incluídos. As tramitacións realizaranse preferentemente a través da Sede Electrónica do Concello, operativa as 24 horas do día. No seu defecto, tamén será posible facelo mediante instancia presentada de xeito presencial no Rexistro Xeral do Concello.
SOLICITUDES
O Concello de Poio disporá de 300.000 euros para levar a cabo melloras en inmobles e vivendas que pertenzan á Area de Rehabilitación de Combarro (ARI). Estes fondos acádanse ao abeiro da convocatoria aberta por primeira vez en 2022 polo Instituto Galego de Vivenda e Solo, que permite obter subvencións dos fondos europeos Next Generation, no marco do Plan de Recuperación, Transformación e Resiliencia. Tamén forma parte desta iniciativa o Ministerio de Transportes, Movilidad y Agenda Urbana.Tal e como explica a concelleira responsable do departamento de Patrimonio, a nacionalista Marga Caldas, estas axudas irán destinadas a inmobles nos que polo menos o 50% da superficie edificada sobre rasante teña un uso residencial de vivenda.
A Concellería de Benestar Social e Mocidade informa de que quedan prazas libres para participar nunha excursión á localidade portuguesa de Monçao. O desprazamento será o xoves 8 de xuño, con saída da rotonda da Barca ás 11.00 horas e retorno o mesmo día ás 18.00 horas. Inclúese pasar un día na Feira en Monçao, ademais dun xantar e un acceso ao circuíto termal das devanditas instalacións. A cota a pagar é de 38 euros por persoa, que tamén inclúe o transporte.Desde o departamento municipal infórmase de que se lle dará prioridade á veciñanza que estea empadroada no concello de Poio, así como a persoas da terceira idade. Pódese obter máis información chamando ao teléfono 986872401, así como no Pazo de Besada e na Casa Rosada. Tamén é posible resolver dúbidas enviando un correo electrónico ao enderezo Este enderezo de correo está a ser protexido dos robots de correo lixo. Precisa activar o JavaScript para velo..
Os traballos para dotar á ruta dos muíños de Samieira dunha nova senda peonil, que servirá para conectar este enclave coa PO-308 á altura da recta do Laño, finalizaron estes días. Así o explica o concelleiro de Urbanismo e Promoción Económica, o socialista Gregorio Agís, que sinala que os labores leváronse a cabo cumprindo cos prazos establecidos. A actuación foi adxudicada á empresa Servicios Medioambientales del Miño SL cun orzamento próximo aos 77.000 euros, que proveñen de fondos do Plan Concellos da Deputación de Pontevedra.Esta nova zona de tránsito conta cunha extensión de aproximadamente 200 metros, a que separa a estrada PO-308 coa senda dos muíños.
Poio está en continua transformación e crecemento. O noso municipio medra e o Concello de Poio, que sempre apostou e segue apostando pola posta en valor da nosa historia e das nosas tradicións, modernízase para adaptarse ós novos tempos e optimizar os nosos recursos. Poio é xa un lugar de referencia consolidado na xeografía mundial, e agora, grazas ás novas tecnoloxías, temos tamén o noso sitio neste espazo virtual, universal e participativo que é a Rede. Estamos agora máis cerca de todos, dos que vivimos aquí e dos que se atopan lonxe.