Dende a Oficina de Rehabilitación dependente da Concellería de Patrimonio do Concello de Poio en colaboración con distintas entidades, celebraremos as xornadas debate "AS PALLEIRAS DE COMBARRO" que terá lugar na Escola de Campo os vindeiros 5 e 6 de maio cunha andaina de remate polo Casco histórico da Vila.

Estas xornadas seguen as liñas de actuación da ARI Combarro, neste caso o de poñer en relevancia o valor e función dos hórreos na creación e desenvolvemento da paisaxe cultural do conxunto histórico-artístico de Combarro. Reflexións e debate sobre o presente e futuro destas construcións adxectivas singulares.

PROGRAMA [PDF]

As Palleiras de Combarro - PROGRAMA


VENRES 5 MAIO

16:30 Presentación das xornadas debate “AS PALLEIRAS DE COMBARRO”

I Parte: o pasado

16:45 ARQUITECTURA DO PAN, ARQUITECTURA DO TERRITORIO E E DA VIDA | D. Andrés Dacosta. Redactor conferencia D. Rafael Vallejo. Asociación A Solaina

17:30 LÓXICA CONSTRUTIVA DO CONXUNTO HISTÓRICO | D. Francisco Guerra - Arquitecto Técnico

Pausa café

II Parte: o presente

18:45 ESTADO DE CONSERVACIÓN E USO DOS HÓRREOS | Persoal da Oficina Municipal de Rehabilitación

19:30 RETOS ACTUAIS | Mesa Redonda e coloquio conferenciantes

20:00 Peche da xornada


SÁBADO 6 MAIO

09:30 Apertura da xornada
09:45 A PERSPETIVA DOS/AS AXENTES IMPLICADOS/AS | Representantes da Consellería de Cultura, Educación e Ordenación Universitaria, do Concello de Poio, dos colexios profesionais, da Oficina da ARI e Propietarios/as dos hórreos* (*intervencións máximo 15 minutos)

Pausa café

III Parte: ¿o futuro?

11:30 CONCLUSIÓNS/PROPOSTAS/ACORDOS/IDEAS | Mesa Redonda e coloquio conferenciantes

12:30 ANDAINA “A ARQUITECTURA DO PAN” | Asociación A Solaina

14:00 Clausura das xornadas



O pasado 28 de marzo do corrente remataba o prazo de presentación dos traballos para participar na 25ª Edición do Concurso Literario Xaime Illa Couto. Certificado que todos os relatos e poesías cumprían coas bases reguladoras deste concurso, a Concellería de Cultura e Festexos convoca o xurado, composto polos membros do Consello Municipal de Cultura, a unha xuntanza o vindeiro día 19 de abril para fallar os premios desta edición, na sesión ordinaria que terá lugar a partir das 20 horas no Salón de Plenos da Casa Consistorial.

Ás e ós membros do xurado entregáronselles 136 traballos clasificados, 18 máis que no 2016, quedando todas as categorías e modalidades cubertas.

As categorías B ( de 9 a 11 anos) e categoría F ( de 18 anos en diante) son as máis numerosas, coa novidade de ser a poesía, nesta anualidade, a modalidade na que máis traballos se presentan.

No caso de ser preciso, o xurado contará co asesoramento, naquelas dúbidas que lles poidan xurdir, da escritora e poetisa, gañadora deste Concurso Literario, Tamara Andrés, para valorar a categoría F.

Os agraciados das categorías A, B,C e D recibirán un diploma acreditativo e un premio de 70€ por categoría e modalidade. As e os participantes das categorías E e F optarán a un premio económico de 90 e 300 € respectivamente, tanto en poesía como en relato.

Ditos premios entregaranse o próximo día 17 de Maio, nos actos principais que se organizan co gallo do Día das Letras Galegas, neste municipio.


OUTRAS ACTIVIDADES
A igual que o ano pasado, Poio vístese de gala no mes das Letras , organizando múltiples actividades dende as máis tradicionais, como A Carreira Popular pola Lingua, na que colabora a Concellería de Deportes e a SCD Raxó e o Poio Escena, como unha nova sesión do Cóntame un Conto e a exposición en homenaxe a Xaime Illa Couto, no 5º aniversario do seu pasamento. Que se poderá visitar no Centro Cultural que leva o seu nome durante todo o mes.

Asemade, dende o departamento de Cultura traballan na reedición da Revista “A Raxeira” que recompilará todos os traballos gañadores do Concurso Literario dende 1998 ata a actualidade e dun caderno onde o escritor de Raxó é o protagonista.


 

Reunido o Consello Municipal de Cultura, o pasado mércores, 19 de abril as 20:30 horas na Casa Consistorial acordou emitir o seguinte fallo do Concurso XXV Concurso Literario Xaime Illa:

Relación dos gañadores/as da XXV edición do Concurso Literario Xaime Illa, para cada unha das modalidades, poesía e relato, segundo os grupos:

Grupo A:  de 6 a 8 anos.

Poesía A-8 Irene Carballa Santamarta

Relato A-4 Solchna Bassine Faye

 Grupo B: de 9 a 11 anos.

 Poesía B-10 Valeria Freijo Rodríguez

 Relato B-6 Laura I. Casalderrey García

 Grupo C: de 12 a 13 anos.

 Poesía C-1 Hugo Romero Ruíz

 Relato C-1 Sokuna Maye Faye

 Grupo D: de 14 a 15 anos.

 Poesía D-1 Adrián Besada Padín

 Relato D-1 Gonzalo Sanmartín Barragáns

 Grupo E : de 16 a 18 anos.

 Poesía E-1 Laura Villaverde Arosa

 Relato E- 1 Uxía Tilve Iglesias

 Grupo F: de 18 anos en diante.

 Poesía F-27 Jaime Barreiro Santos

 Relato F-18 José Angel Corral Suárez

Os membros do Consello Municipal de Cultura que valoraron un total de 136 traballos, e a súa Presidenta, a Concelleira de Cultura, Lidia Salgueiro Piñeiro, trasladan os seus parabéns a cada un deles/delas, e o agradecemento a todos os/as participantes que se presentaron ao concurso, así como a imprescindible colaboración do profesorado dos centros participantes nesta iniciativa. A entrega de premios terá lugar na Casa de Cultura Xaime Illa de Raxó o mércores, día 17 de maio de 2017.

 

 

 

Os hábitos que imos adquirindo ao longo da nosa vida son fundamentais para previr posibles enfermidades e desfrutar da vida plenamente. Tendo en conta que somos o que comemos, dende a Concellería de Sanidade e Saúde, que dirixe o nacionalista Xose Lodeiro, van por en marcha un programa de alimentación saudable. Este curso, impartido pola graduada en Nutrición Humana e Dietética, Monse Torres, ten como obxectivos xerar a sensación de capacidade e aumentar o empoderamento facendo as persoas coñecedoras de como alimentarse correctamente.

Vindeiros Eventos

22 Xun 2018
09:00 PM -
Pregón San Xoán 2018
23 Xun 2018
10:00 AM - 03:00AM
San Xoán 2018 - Noite de San Xoán
23 Xun 2018
04:00 PM - 08:00PM
II Aberto de Billarda - San Xoán 2018
24 Xun 2018
08:00 AM -
Ruta dos Muíños - Poio Móvese
24 Xun 2018
10:00 AM - 03:00AM
San Xoán 2018 - Domingo