O GALP Ría de Pontevedra inicia unha nova campaña de promoción e difusión das axudas ao abeiro da “ORDE do 24 de maio de 2016 pola que se establecen as bases reguladoras para a concesión de axudas para proxectos ao abeiro das estratexias de desenvolvemento local participativo (EDLP), aprobadas aos grupos de acción local do sector pesqueiro para o desenvolvemento sustentable das zonas de pesca no marco do Fondo Europeo Marítimo e de Pesca 2014-2020” na cal o Concello de Poio colaborara organizando unha charla informativa.

O GALP Ría de Pontevedra quere informar aos promotores e entidades interesadas en levar a cabo un proxecto no seu territorio (concellos de Bueu, Marín, Meaño, Poio, Pontevedra e Sanxenxo) , polo que o vindeiro luns 22 de xaneiro ás 20:00 h no salón de plenos do Concello de Poio, a xerente do GALP informará sobre as axudas a proxectos, cuantías máximas de financiación, procedementos, etc. e se expondrán casos de éxito a modo de exemplo.

Nesta edición, a Concellería de Cultura e Festexos, da que é titular Lidia Salgueiro Piñeiro, plantexa unha proposta cultural que misture a tradicción e novas propostas culturais para o municipio, que permitan a veciñanza dispoñer dunha alternativa de ocio para @s máis cativ@s e as súas familias nos periodos vacacionais, programando actividades que empregen e dinamicen parte dos espazos públicos dos que dispón a localidade de Poio.

Xa está aberta a matrícula para os cursos de Horto Ecolóxico e Xardinería Básica e Poda Ornamental de 25 e 35 horas de duración respectivamente. Estes cursos, promovidos pola Concellería de Promoción Económica están orientados para demandantes de emprego con prioridade para os residentes no Concello de Poio.

A celebración dos devanditos cursos será do 25 de xaneiro ó 10 de Febreiro e do 15 ó 24 de febreiro no Centro de Formación de A Reiboa ( A Seca). O prezo dos cursos será de 20€ para os residentes en Poio e 40€ para o resto dos asistentes.

Para inscricións, dúbidas ou consulta poderán dirixirse ó teléfono 986770001 ext. 1260 ou no enderezo electrónico Este enderezo de correo está a ser protexido dos robots de correo lixo. Precisa activar o JavaScript para velo..

Como o prometido é débeda, esta 1eira fase do proxecto Dinamiza Poio rematará o vindeiro 30 de decembro cunha sorpresa moi especial, Os Bolechas visitarán Poio, para presentar o seu espectáculo “Un Conto de Nadal”.

O Centro Cultural Xaime Illa recibirá a estes divertidos bonecos a partir das 19:00 horas, se queres acudir a ver o espectáculo solicita a túa entrada no correo electrónico Este enderezo de correo está a ser protexido dos robots de correo lixo. Precisa activar o JavaScript para velo.. Dado que o aforo será limitado e terán preferencia a veciñanza do noso municipio, ábrese un prazo de inscrición previa dende mañá xoves 23 de novembro ate o 21 de decembro ás 14:00 horas.

A data de recollida das entradas xa confirmadas será o 27 de decembro no Concello de Poio (departamento de cultura) de 10 a 14 horas.