Os controis aleatorios levados a cabo pola Policía Local de Poio, dentro da campaña da Dirección Xeral de Tráfico, entre os días 11 e 17 de setembro tiveron como finalidade verificar o correcto uso do cinto de seguridade e os sistemas de retención infantil. O corpo policial puido controlar preto de 1000 vehículos e verificou 225 co resultado de 5 denuncias, das que tres corresponden a condutores sen cinto e as outras dúas a menores que viaxaban sen un sistema de retención axeitado.

A estatística e moi boa tendo en conta que tan so un 0,4 % non cumpría a normativa. Os datos máis importantes recollidos nesta campaña corresponden a detección de un alto número de persoas que aínda que levaban sistema de retención non o utilizaban correctamente ou era pouco axeitado para a idade do neno, polo que se procedeu en estes casos a informar sobre a correcta colocación do sistema de retención infantil.

Outro aspecto importante do que a Policía local de Poio e consciente, e que para algunhas familias resulta difícil mercar un sistema de retención adecuado a idade dos seus fillos, debido os seus recursos económicos.Por este motivo, a Policía Local de Poio en colaboración cos Servicios Sociais do Concello de Poio poñen en marcha unha Campaña de Solidariedade Vial, na que se recollen sistemas de retención infantil (sillas, elevadores...) para poder entregarllas as familias que os necesiten e darlle a formación necesaria para un uso axeitado. Esta campaña dará comezo o día 25 de setembro e rematará o 25 de decembro.

Os sistemas de retención poderán ser entregados nas dependencias da Policía Local sita Praza Mosteiro, 1 - Poio, onde lles facilitarán unha ficha para deixar os seus datos e rexistrar a entrega, ou ben chamando ao 689 575 495

Vindeiros Eventos

30 Dec 2017
07:00 PM - 10:00PM
Os Bolechas - “Un Conto de Nadal”
02 Xan 2018
05:00 PM -
A Burbulla do Nadal - Os Piñeiriños
03 Xan 2018
05:00 PM -
A Burbulla do Nadal - Globotolo
04 Xan 2018
05:00 PM -
A Burbulla do Nadal - Obradoiro música electrónica
05 Xan 2018
11:00 AM - 05:00PM
Día de Reís - #saúdoReis