A Policía Local de Poio “blindará” a seguridade viaria nos accesos aos centros de ensino, para este obxectivo ponse en marcha unha campaña para mellorar a seguridade viaria nos centros de ensino do Concello, especialmente na entrada e saída dos alumnos. A primeira das medidas tomadas vai dirixida a mellora nas inmediacións do Colexio SEK- Atlántico e o CEIP Lourido, no tocante a saída de autobuses e pintado de marcas viarias para mellorar a seguridade nas zonas.

A campaña ponse en marcha tras detectar comportamentos que hai que corrixir, como poden ser aparcamentos masivos e perigosos , por parte dos pais que van a levar ou recoller os seus fillos, en moitos casos invadindo as zonas peonís e os accesos aos centros escolares. Detéctase este estacionamento abusivo nas zonas peonís e accesos aos colexios que en moitas ocasións xeran problemas de seguridade viaria, para os pequenos como pouca visibilidade ou manobras perigosas nas beirarrúas que transitan os escolares. O perigo acentúase tendo en conta a idade dos nenos, a súa estatura e o comportamento moitas veces imprevisible.

Por este motivo, contactouse cos directores dos centros de ensino e tamén coa ANPA aos que se lles informou que os axentes van poñer a partir de agora especial interese en evitar este tipo de aparcamentos perigosos. A comunidade escolar recibiu esta información a través de distintos canais e esperamos un comportamento exemplar por parte dos pais, porque esta medida se toma para garantir a seguridade dos seus fillos. Esperamos que sexan o mellor exemplo na educación viaria dos nenos.

Tradicionalmente a sociedade ven aceptando este tipo de estacionamentos ante os colexios xa que se trata de pais que van a recoller aos seus fillos ao centro de ensino, no en tanto, a policía local está obrigada a evitar que continúe, polo perigo que supón para os rapaces e o alto risco de atropelo. Co obxectivo de mellorar a seguridade na contorna dos colexios. Dende o vindeiro día 18 de Abril, a Policía Local de Poio verificará que os condutores cumpren as devanditas normas e – na contra-  sancionará oportunamente as infraccións, con arranxo co Regulamento Xeral de Circulación.

 

I Festival da Memoria con Arte

A Asociación RE-Creo, afincada no Concello de Poio, co apoio da Concellería de Cultura e Festexos, dirixida por Lidia Salgueiro, están a organizar I Festival da Memoria con Arte.Trátase dun proxecto, cuxo obxectivo principal é lograr a implicación e a participación activa das persoas no coidado e desenvolvemento do seu patrimonio e que entre todos e todas sexan capaces de contribuír a crear un espazo-tempo de encontro e interrelación colectiva nun dos entorno mais privilexiados do Concello de Poio, O Parque da Memoria.

Ler máis...

Actividades Benestar Social e Mocidade Verán 2017

Este verán poderás desfrutar dunha chea de actividades tanto para os adultos como para a mocidade no noso concello. Este ano amplíase a oferta. Para inscripcións ou información enviade un email a Este enderezo de correo está a ser protexido dos robots de correo lixo. Precisa activar o JavaScript para velo. ou Este enderezo de correo está a ser protexido dos robots de correo lixo. Precisa activar o JavaScript para velo. ou chamando ó número 986 770 001, Ext. 1408, 1405.

Ler máis...

Actividades Deportivas Verán 2017

Oferta de actividades deportivas para este verán no Concello de Poio. ¡Non quedes na casa¡

Ler máis...

XIII Encontro de Embarcacións Tradicionais de Galicia

 

Entre os días 29 de xuño e 2 de xullo do presente ano celebrarase en Combarro-Poio a décimo terceira edición do Encontro de Embarcacións Tradicionais de Galicia. O Encontro, de periodicidade bienal e carácter itinerante por distintos portos de Galicia, é unha dasas manifestacións da cultura marítima máis importantes das que se celebran na península Ibérica.

+ INFO
Descargar Programa [PDF]
Ler máis...

Calendario Fiscal 2017

Aprobación do Calendario Fiscal 2017 [PDF]